हाम्रो नेपाल स्पोर्ट्स, काठमाडौं| विभागीय टोलि त्रिभुवन आर्मी क्लबलाई टाईब्रेकरमा हराउदै मनांग मर्स्याङ्दी पोखरामा जारि आहा रारा गोल्डकपको फाइनलमा प्रवेश गरेको छ।
निर्धारित ९० तथा थप भएको अतिरिक्त समयमा दुवै टोलिले गोल रहित बराबरीमा खेल टुंग्याएपछि, खेल पेनाल्टी शुटआउटमा पुगेको थियो।
पेनाल्टीमा सुटआउटमा त्रिभुवन आर्मीको चुनौतीलाई ४-३ गोल अन्तर पाखा लगाउदै मनाङ फाइनल पुगेको हो।
टाइब्रेकरमा मनाङका फ्रान्कलिन कोटे टाला, शिव गुरुङ, रुपेश केसी र ओलावाले ओलाडिपो अफिजले गोल गरे।
आर्मीका कप्तान भरत खवास, जर्जप्रिन्स कार्की र विवेक बस्नेतले गोल गर्न सफल भए। आर्मीका दीपक गुरुङको प्रहार पोलमा लाग्दै फर्कंदा युद्ध शाहीको प्रहारलाई गोलरक्षक अशोक बरालले बचाए ।
सर्बाधिक ६ पटक आहा राराको बिजेता हिस्सा बराबरीमा मनांग मर्स्याङ्दीलाई अब फाइनल जित्दै रारा गोल्कापको सर्बाधिक सफल बन्ने अवसर प्रदान भएको छ।
खेलको पहिलो हाफमा मनाङका कप्तान विमल राना पेनाल्टीमा गोल गर्न चुक्दा मनांगले दोस्रो सेमीफाइनलमा टोलीलाई अग्रता दिलाउने सुवर्ण अवसर खेर फ्यालेका थिए।
खेलको नवौ मिनेटमा आर्मीका रक्षक युद्द शाहीले पेनाल्टी क्षेत्रमा क्लियर गरेको बल ह्यान्ड हुन पुगेपछि मनाङले पेनाल्टीको अवसर पाएको थियो। तर पेनाल्टी किकलाई कप्तान विमलले पोस्ट भन्दा निकै माथि प्रहार गर्न पुगेका थिए।
यस संस्करणको फाइनलमा मनांगले अर्को विभागीय टोलि एपीएफको सामना गर्ने भएको छ।
सहारा क्लब पोखराको आयोजनामा जारी प्रतियोगिताको विजेता टिमले १० लाख १ हजार र उपविजेता टिमले ५ लाख १ हजार प्राप्त गर्ने छ।
