हाम्रो नेपाल स्पोर्ट्स, काठमाडौं| आइतवार राति क्याम्प नोउमा ओसासुनालाई ४-० ले पराजित गर्दै बार्सिलोनाले आफ्नो शानदार यात्रालाई निरन्तरता दिएको छ।
प्रेरणादायी भूमिका खेलेका फेरान टोरेसले दुई गोल गरे भने उस्मान डेम्बेलेले आफ्नो पुरानै लय देखाउन थालेका छन्।
युरोप लिगमा गलातासरे विरुद्ध युरोपा लिगमा कुनै पनि गोल गर्न नसकेको बार्सिलोनाले ओससुना विरुद्ध भने राम्रो प्रदर्शन गरेको थियो।
अर्को साता रियल मड्रिड विरुद्धको एल क्लासिको अघि बार्सिलोनाको लय निकै शानदार देखिएको छ भने दोस्रो स्थानमा रहेको सेभियालाई लगातार दबाब बनाईरहेको छ।
रियललाई भने बार्सिलोनाको उच्च लयले लिग अभियानमा धक्का पुर्याउन सक्नेछ।
डिफेन्समा, यो जेरार्ड पिकेको लागि पनि विशेष अवसर थियो , किनकि बार्सिलोना आइकनले क्लबको लागि आफ्नो ६०० औं उपस्थिति बनाए।
घरेलु टोलीले गोल खोल्न र पिकेलाई मनाउन मद्दत गर्न धेरै समय लागेन, गाभिलाई बक्स भित्र लडाएपछि फेरानले पेनाल्टीमा गोल गर्दै बार्सालाई अग्रता दिलाए।
उसले सात मिनेट पछि मात्र दोस्रो थप्यो जब डेम्बेलेले उसलाई ओसासुना गोलमा सर्जियो हेरेराको तल स्लट फेरानको लागि उत्कृस्ट पास दिएका थिए।
औबामियान्गलाई गोल गर्न सहयोग गरेका डेम्बेले यस सिजनको सर्बाधिक एस्सिस्ट गर्ने खेलाडीहरुको नजिक पुगेका छन्।
बार्सिलोनामा यसै सिजन पुगेका औबामियांग भने एक पछि अर्को गोल गर्न सफल भइरहेका छन्।
बार्सिलोनाका लागि चौथो गोल थप्न दूरीबाट आफ्नै शटलाई फलोअप गर्ने रिक्की पुइगले बार्सिलोनालाई जित दिलाउन गोल गरे ।
यो जितसँगै तेस्रो स्थानमा उक्लिएको बार्सिलोनाको २७ खेलबाट ५१ अंक पुगेको छ ।
समान ५१ अंक भएपनि एक खेल बढी खेलेको एट्लेटिको म्याड्रिड पछि परेको छ ।
बार्सिलोना शीर्षस्थानको रियल म्याड्रिडभन्दा १२ अंकले तथा दोस्रो स्थानको सेभियाभन्दा ५ अंकले पछि छ । पराजित ओसासुना २८ खेलबाट ३५ अंक जोडेर ११औं स्थानमा यथावत रहेको छ ।
