हाम्रो नेपाल स्पोर्ट्स, काठमाडौं| इंग्लिस स्टार फुटबलर डेभिड बेकह्यामले क्रिस्टियानो रोनाल्डो म्यान युनाइटेडमा अर्को एक वा दुई वर्ष रहने आशा राखेका छन्।
क्लबले जारि इंग्लिस प्रिमियर लिग सिजनमा निकै खराब प्रदर्शन गरेपछि उनको क्लबको भविष्यमा प्रश्न चिन्ह लागेको छ।
च्याम्पियन्स लिगबाट बाहिरिसकेको रेड डेभिल्सले अर्को वर्ष यूरोपा लिगमा सहभागिता जनाउने प्रबल सम्भावना रहेको छ।
खराब सिजन भएपनि रोनाल्डो रेड डेभिल्सका लागि सिजनको सबैभन्दा राम्रो प्रदर्शन गर्ने खेलाडी बनेका छन्।
गतसाता घरेलु लिग्मै ब्राइटन विरुद्ध ४-० ले पराजित भएको युनाईटेडको प्रदर्शन सम्भवत सिजनकै खराब थियो।
स्काई स्पोर्ट्ससँग कुरा गर्दै बेकह्यामले भने, “पक्कै पनि क्रिस्टियानो विगत १५ वर्षमा लियो [मेस्सी] को साथमा उत्कृष्ट खेलाडीमध्ये एक हुन्।
“उनि युनाइटेडमा आशापूर्वक रहिरहनु प्रशंसकहरूका लागि महत्त्वपूर्ण छ।”
बेकह्यामले यो सिजन ३७ वर्षीय खेलाडीको प्रदर्शनबाट आफू प्रभावित भएको खुलासा गरेका छन्।
मियामी ग्रान्ड प्रिक्समा भाग लिने क्रममा स्काई स्पोर्ट्ससँग कुरा गर्दै: “उनी [रोनाल्डो] अझै पनि आफूले गोल र सिर्जना गर्ने गरिरहेका छन्।”
“अहिलेको आफ्नो उमेरमा जे गरिरहेका छन् त्यो गर्न पाउनु साँच्चै अविश्वसनीय छ, त्यसैले आशा छ कि यो जारी रहन्छ र उनि अर्को एक वा दुई वर्षसम्म बस्नेछन्।”
रोनाल्डोले गत समरमा आफ्नो आगमनमा दुई वर्षको सम्झौता गरेका थिए, जसको अर्थ उनीसँग ओल्ड ट्राफोर्डमा अर्को सिजन बाँकी छ।
पिचमा निराशाको बावजुद, बेकह्यामले पर्दा पछाडि गरिएका निर्णयहरूका कारण आशावादी हुने ठाउँ छ भन्ने सोच्छन्।
उनले थपे, “मलाई लाग्छ त्यहाँ परिवर्तनहरू गर्नुपर्नेछ र परिवर्तनहरू भइरहेका छन्, हामीले त्यो देखेका छौं”
निकै खराब प्रदर्शनका कारण लगातार रुपमा युनाइटेडका मालिकहरू दबाब पर्न थालेपछि क्लबले आन्तरिक रुपमा नयाँ संरचनाको विकास सुरु गरेको छ।
नयाँ प्रशिक्षक एरिक टेन ह्यागको नेतृत्वमा नयाँ सिजनको सुरुवातका लागि आवश्यक गृहकार्य सुरु भइसकेको युनाईटेडले बताएको छ।
