हाम्रो नेपाल स्पोर्ट्स, काठमाडौं| २०२० को समरमा म्यानचेस्टर सिटीबाट बायर्न म्युनिखमा ६० मिलियन युरो (५४ मिलियन पाउण्ड) मा आबद्ध हुँदा लेरोय सानेले अर्जेन रोबेन र फ्रान्क रिबेरीले छोडेको खाली ठाउँ भर्ने आशा थियो।
तर उनको पहिलो सिजन निराशाजनक रुपमा बितेको थियो। बायर्न म्युनिखले सिटिको लेरोई साने पाउन सकेन। चोट र खराब फर्मले उनलाई सताएको थियो।
यो सिजन भने उनको कथा फरक छ। हान्सी फ्लिकले गत सिजनको अन्त्यमा बायर्न छोडे, उनको स्थानमा जुलियन नागेल्सम्यान आएका थिए, र त्यसबेलादेखि सानेले आफ्नो प्रतिभा प्रदर्शन गर्न थालेका छन्।
बायर्नले विंगर सानेमा विश्व-स्तरीय खेलाडी पाएको विश्वास गरेको थियो र उनले बायर्न आउन सिटिलाई दबाब दिएका थिए।
तर क्लबमा आफ्नो पहिलो सिजन पछि उनले आलोचना पाए। तर, अहिले भने अर्कै कथा छ।
सानेले यो सिजन अहिलेसम्म सबै प्रतियोगितामा २८ खेलमा १२ गोल र १३ असिस्ट दिएका छन् भने च्याम्पियन्स लिगमा उनको शानदार प्रदर्शन रहेको छ, जसमा उनले ६ खेलमा पाँच गोल र चार असिस्ट गरेका छन्।
सानेको पुनरागमनमा कोच नेगल्सम्यानको प्रभाव महत्वपूर्ण रहेको छ, बायर्नका युवा म्यानेजरले उनलाई पिचमा गत सिजन भन्दा भित्रि पोजिसनमा खेलाईरहेका छन्।
आफ्नो पोजिसनमा केहि फेरबदल भएपछि सानेले क्लबमा पुनर्जीवन पाएका छन्।
“हामीले उनलाई कुनै विशेष अस्त्र दिएनौं। उनले परिस्थितिलाई घुमाउनको लागि ठूलो शक्ति देखाए,” नागेल्सम्यानले सानेको बारेमा सोध्दा भने।
“यदि उसले डीप पोजिसनमा धेरै खेल्छ भने, ऊ थप संलग्न हुन्छ र प्रेसिंग र काउन्टर-आक्रमण गर्दा छोटो दूरी कभर गर्नुपर्दछ।”
जर्मन क्लबले फेब्रुअरी १६ र मार्च ८ मा अन्तिम १६ मा रेड बुल साल्जबर्गसँग च्याम्पियन्स लिगको अन्तिम चरणहरू आउँदा सानेले यो फर्मलाई कायम राख्न सक्ने आशा बायर्नले गर्नेछ।
