हाम्रो नेपाल स्पोर्ट्स, काठमाडौं| फ्रान्समा केहि साता यता अत्याधिक कोरोना भाइरसको वृद्धिको प्रभाब फुटबलमा पनि देखिने भएको छ।
फ्रेन्च प्रधानमन्त्री जिन क्यासटेक्सले देशमा कोभिड भाइरसको बृद्धि विरुद्ध लड्न आगामी दिनहरुमा नयाँ रणनीतिमा फुटबल खेलमा दर्शकको उपस्थिति घटाउन सक्ने संकेत दिएका छन्।
जसमा फुटबल खेलहरू लगायत बाहिरी कार्यक्रमहरूमा पाँच हजार दर्शकहरूको अधिकतम सीमा राख्ने समावेश छ। बन्द सुविधाहरू केवल २ हजारको क्षमतामा सीमित हुनेछ।
कोभिड निलम्बनका उपायहरू तीन हप्तासम्म रहनेछ भने सोमबार, जनवरी ३ मा देशभरि लागू हुनेछ।
यसबाहेक, कुनै पनि त्यस्ता ठुला इभेन्टमा खाना र पेय पदार्थहरूको उपभोग पूर्ण रूपमा निषेध गरिनेछ – यो खुला वा बन्द ठाउँमा होस्।
लिग वान शुक्रबार जनवरी ७ मा फर्किदैछ र नयाँ प्रतिबन्धहरू लागू संगै उक्त खेलहरु खेलाईनेछ।
जनवरी ९ मा लियोन बनाम पेरिस सेन्ट-जर्मेनसँग त्यो सप्ताहन्तको सबैभन्दा ठूलो खेल हुनेछ, जबकि एक हप्ता पछि हुने लिले बनाम मार्सेलीको खेलमा उस्तै प्रतिबन्धहरू हुनेछन्। लियोन बनाम सेन्ट-एटिन जनवरी २१ मा पनि उक्त प्रतिबन्धहरु रहने छन्।
यदि उक्त प्रतिबन्धहरु विस्तार गरिएको खण्डमा भने, रियल म्याड्रिडको फेब्रुअरीमा पेरिस सँगको खेल च्याम्पियन्स लिग राउन्ड अफ १६ को खेल पनि पार्क डे प्रिन्समा नाटकीय रूपमा कम क्षमताको अगाडि खेलिनेछ। त्यो खेल फेब्रुअरी १५ मा तय गरिएको छ।
