हाम्रो नेपाल स्पोर्ट्स, काठमाडौं| लियोनेल मेस्सीले पेरिस सेन्ट-जर्मेनमा त्यति प्रभाव पारेका छैनन् जति धेरै मानिसहरूले उनीसँग गत समरमा बार्सिलोना छोडेपछि नि:शुल्क ट्रान्सफरमा क्लबमा सामेल हुँदा आशा गरेका थिए।
अर्जेन्टिनि स्टार मेस्सिले फ्रान्समा आफ्नो सामान्य दरमा गोल गर्न संघर्ष गरेको छन, तर संख्याले देखाएको बावजुद उनि धेरै टाढा भएको छैनन।
वास्तवमा, ओप्टाले औंल्याए अनुसार मेस्सीले यो सिजन युरोपको शीर्ष पाँच लिगहरूमा अन्य खेलाडीहरू भन्दा धेरै वुडवर्क हिट अर्थात सबैभन्दा बढी पोस्टमा बल हानेका छन्।
जसले पीएसजी खेलाडी बनेदेखि गोलको अगाडि कत्तिको दुर्भाग्यपूर्ण रहेको देखाउँदछ।
यस मामिलामा ब्रेन्टफोर्डका ब्रायन एम्बुम्बो बार्सिलोनाका पूर्व कप्तानको नजिक रहेका छन्।
पार्क डे प्रिन्सेसमा ३-० को जित संगै १५ अंकको अग्रता बनाएको पेरिसियन टोलीका मुख्य खेलाडीद्वय नेमार र मेस्सिलाई घरेलु समर्थकले राम्रो ब्यबहार देखाएनन।
दुवै स्टारको समर्थनमा उनीहरु संगै खेलेका केहि प्रसिद्ध खेलाडीहरुले भने आफ्ना साथीको समर्थन जनाउदै सामाजिक सन्जालमा ट्रफी सहितका फोटो पोस्ट गरे।
घरेलु लिगमा गोल गर्न चरम संकटमा रहेका मेस्सीले घरेलु मैदानमा दर्शकबाट निराशाजनक प्रतिक्रिया त पाए नै, उनको गोल गर्ने अवसर पोस्टमा लागेर फर्किनु अर्को दुर्भाग्य रहेको थियो।
मेस्सीले अहिलेसम्म पेरिसका लागि २६ खेल खेल्दा केवल ७ गोल गरेका छन् भने लिगमा जम्मा २ गोल आएको छ। उनले च्याम्पियन्स लिगमा ५ गोल गरेका छन्।
तर पेरिस भने गत साता रियल मड्रिड विरुद्ध पराजित हुँदै च्याम्पियन्स लिगबाट बाहिरिसकेको छ।
यस सिजन पोस्टमा सबै भन्दा बढी हान्ने कुनै अवार्ड दिने हो भने त्यो पनि मेस्सीले नै लाने पक्का छ।
