हाम्रो नेपाल स्पोर्ट्स, काठमाडौं| म्यानचेस्टर युनाइटेडको प्रिमियर लिगमा मंगलबार ब्रेन्टफोर्ड विरुद्धको खेल रेड डेभिल्सका खेलाडी र कर्मचारीहरूमा कोभिड देखिए पछि स्थगित गरिएको छ।
युनाइटेडले क्लबको क्यारिङ्टन ट्रेनिङ कम्प्लेक्स कुनै पनि संक्रमणको जोखिम कम गर्न २४ घण्टाको लागि बन्द रहने सोमबार पुष्टि गरेको छ।
प्रिमियर लिगले एक विज्ञप्ति स्पष्ट गर्दै चिकित्सा सल्लाहकारहरूको निर्देशन अनुसार बोर्डले खेल स्थगित गर्ने निर्णयको घोषणा गरेको बताएको छ।
म्यानचेस्टर युनाइटेडले एक विज्ञप्ति जारि गर्दै: ” खेलाडी र स्टाफको स्वास्थ्यलाई प्राथमिकता दिएर, क्लबले खेललाई पुन: व्यवस्थित गर्न अनुरोध गर्दै प्रशिक्षण रद्द गरिएको छ।
“टोलीमा थप जोखिम कम गर्न प्रिमियर लिग बोर्डले चिकित्सा सल्लाहकारहरूको निर्देशनको आधारमा खेल स्थगित गर्ने निर्णय गरिएको।” बताएको छ।
अघिल्लो साता खेलाडी र स्टाफ बीच संक्रमण पुष्टि पछि स्थगित गरिएको खेल, आइतवारको ब्राइटन र होभ एल्बियन र टोटनह्यामबीच हुनेछ।
सात-दिनको अवधिमा कोभिडका मामिलाहरूको जनवरीदेखि ४० लाई पार गर्दै उच्चतम संख्या रेकर्ड गरेको छ। यसै साताको बिचमा प्रिमियर लिगमा थप ४५ जनामा संक्रमण पुष्टि भएको छ भने यसै बीच दुई खेलहरु रद्ध गरिएको छ।
प्रिमियर लिगले एक विज्ञप्तिमा थप्यो: “खेलाडी र कर्मचारीहरूको स्वास्थ्यलाई प्राथमिकतामा राख्दै, र हालै देशभरि कोभिड १९ का मामिलाहरू बढ्दै गएको अवस्थामा, प्रिमियर लिगले आपतकालीन उपायहरू पुन: प्रस्तुत गरेको छ।
“यसमा अधिक बारम्बार परीक्षण, घर भित्र अनुहार कभर गर्ने, सामाजिक दूरी अवलोकन गर्ने र उपचार समय सीमित गर्ने जस्ता प्रोटोकलहरू समावेश छन्।”
यद्यपि प्रभावित खेलाडी र स्टाफको विवरण खुलासा गरिएको छैन, टोटेनहम, म्यानचेस्टर युनाइटेड, लेस्टर सिटी, ब्राइटन र एस्टन भिल्ला सबैले उनीहरूमा कोभिडका नयाँ केसहरू भएको बताएका छन्।
