हाम्रो नेपाल स्पोर्ट्स, काठमाडौं| सन् २००९को सिजनमा क्रिस्टियानो रोनाल्डो सँगै रियल मड्रिड भित्रिएका करिम बेन्जेमा, वर्तमान समयका सबैभन्दा उत्कृष्ट स्ट्राइकर हुन।
विश्व फुटबलमा राम्रो क्षमता हुदाँहुदै पनि सताब्दीकै महान फुटबलरद्वय मेस्सी र रोनाल्डोको छायाँ बन्न पुगेका थिए करिम बेन्जेमा।
हाल ‘राजा करिम’ एक आइकन बनेका छन् जुन पछिल्लो दशकको अधिकांश समयमा सम्भव देखिएन।
उनको तत्कालीन साथी क्रिस्टियानो रोनाल्डोले आफ्नो अलौकिक प्रदर्शनले म्याड्रिडमा ध्यान र प्रशंसा कमाए।
रियल मड्रिडमा क्रिष्टियानो रोनाल्डो पश्चात सबैभन्दा बढी निरन्तर रुपमा गोल गरिरहेका खेलाडी भने करिमनै रहेका छन्।
तर रोनाल्डोको तथ्याङ्कका अगाडि उनका गोल र सहायताहरु ओझेलमा पर्ने जान्थे।
४ सिजन अघि क्रिस्टियानोले क्लब छाडेसँगै रियल मड्रिडको प्रमुख खेलाडीका रुपमा भने करिम बेन्जेमानै रहेका छन्।
उनी किन पटक पटक रियल मड्रिडको राजा भएका छन् भन्ने कुरा उसबखत देखि नै प्रमाणित गरिरहेका छन्।
यस सिजन ३७ गोल गरिसकेका फ्रान्सेली फरवार्डले लिगमा रियललाई शीर्षस्थानमा त पुर्याएका छन् नै, चेल्सीविरुद्ध को प्रेरणादायि ह्याट्रिकले रियल च्याम्पियन्स लिगको सेमिफाइनलको नजिक पनि पुगिसकेको छ।
स्ट्राइकरले गत विन्टरमा युरोपियन च्याम्पियनसिपमा पनि अन्तर्राष्ट्रिय मञ्चमा प्रभावशाली पुनरागमन गरेका थिए र कतार विश्वकपमा फ्रान्सको लागि महत्वपूर्ण खेलाडी हुनेछन।
बेन्जेमाले रोनाल्डोको अचम्मको स्कोरिङ स्तरसँग मिल्दोजुल्दो नरहेको भए पनि, उनी टोलीमा ठूलो रचनात्मक प्रभाव छन् र यस सिजन एघारौ स्पेनिस शिर्ष डिभिजनको नेतृत्व गर्दैछन।
उनको अनुपस्थितिमा रियलले बार्सिलोना विरुद्ध आफ्नै घरेलु मैदानमा लज्जास्पद हार बेहोर्यो भने पेरिस विरुद्धको पहिलो लेग पनि गुमाएको थियो।
अग्रपङ्क्तिमा रियल मड्रिडको सम्पूर्ण जिम्मेवारी सम्हाल्ने बेन्जेमा नहुँदा टोलीले मैदानमा निकै संघर्ष गर्दछ।
आफ्नो खेल जीवनको उत्तरार्धमा आफ्नो उत्कृष्ट लय देखाइरहेका फरवार्डले यसले सिजन, विश्व फुटबलको शीर्ष व्यक्तिगत उपाधि बेलुन डी ओरमा आफूलाई अग्रपंक्तिमा दौडाई रहेकाछन्।
यही उच्च लयलाई कायम राख्न सकेमा बेन्जेमाले यस सिजनको अन्त्यमा विश्वकै उत्कृष्ट फुटबल खेलाडी को उपाधि पाउन सक्ने प्रबल सम्भावना रहेको छ।
