हाम्रो नेपाल स्पोर्ट्स, काठमाडौं| क्रिस्टियानो रोनाल्डोले म्यानचेस्टर युनाइटेडका पूर्व सहकर्मी वायन रुनीलाई आफ्नो आलोचना पश्चात जवाफ दिएका छन्।
गत साता लेस्टर सिटीसँग १-१ को बराबरी खेले पश्चात रुनीले टोलीको प्रदर्शनलाई लिएर खुसि देखिएनन्।
नतिजा संगै रोनाल्डोको भविष्यका बारे रुनिले आफ्नो धारणा राखेका थिए।
क्रिस्टियानोले भने उक्त आलोचनालाई राम्रोसँग लिन सकेनन्।
स्काई स्पोर्ट्सको सोमबार राती फुटबलमा देखा पर्दै, रुनीले मिडफिल्डर पाउल पोग्बासँगै क्रिस्टियानो रोनाल्डोलाई यस समरमा बेच्नु पर्ने बताए।
उनले गत समरमा नम्बर ७ का हस्ती रोनाल्डोलाई पुनः क्लबमा फिर्ता बोलाउनु क्लबको हितमा नभएको दाबि समेत गरे।
रियल म्याड्रिड र युभेन्टसका पूर्व फरवार्डले सोचे अनुसार युनाइटेडमा प्रभाब देखाएनन, उनको अवस्था सोध्दा जो कोहिले पनि काम नगरेको औल्याउने उनले बताए।
“यदि तपाईंले भविष्यलाई हेर्नुभयो भने, मलाई लाग्छ कि तपाईंले अर्को दुई वा तीन वर्षमा म्यानचेस्टर युनाइटेडलाई सफलता पाउन, सम्भव सबै गर्नका लागि युवा, ट्रफीको तृष्णा बोकेका खेलाडीहरूसँग जानुपर्छ।
“उनी प्रगति गर्दैछन्, तर उनी २० वर्षको हुँदा उनी जस्तो खेलाडी होइनन्। उनी गोल गर्ने खतरा खेलाडी हुन्, तर मलाई लाग्छ कि बाँकी खेललाई अझ बढी आवश्यक छ।
“उनीहरूलाई युवा, भोका खेलाडीहरू चाहिन्छ। मलाई लाग्छ कि उनीहरूसँग राम्रा खेलाडीहरू छन्। मलाई लाग्छ [जाडोन] सान्चो अर्को वर्ष राम्रो हुनेछन्, मलाई लाग्छ कि मार्कस [राशफोर्ड] अर्को वर्ष राम्रो हुनेछन्।
त्यसको केही समय पछि रुनीले जेमी क्यारागर र होस्ट डेभिड जोन्सको फोटो इन्स्टाग्राममा पोस्ट गरेका थिए।
उनले कार्यक्रममा आफ्नो उपस्थितिको ब्याख्या गर्दा क्रिस्टियानो रोनाल्डोले टिप्पणी गर्न छिटो भए।
“दुई आह्रिसे,” क्रिस्टियानोले रुनी र क्यारागरलाई लक्षित गर्दै लेखेका छन्।
ओल्ड ट्राफर्डमा फर्किएपछि ३२ खेलमा १८ गोल गरिसकेका रोनाल्डो हाल टोलीमा सर्बाधिक गोलकर्ता रहेका छन्।
