हाम्रो नेपाल स्पोर्ट्स, काठमाडौं| बायर्न म्युनिखका फरवार्ड रोबर्ट लेवान्डोस्कीले सोमबार दोस्रो पटक अवार्ड जित्दै क्रिस्टियानो रोनाल्डोको फिफा द बेस्ट कीर्तिमान बराबरी गरेका छन् ।
बायर्न म्युनिखका फरवार्डले लियोनेल मेस्सी र मोहम्मद सलाहसँगको प्रतिस्पर्धालाई पराजित गर्दै बुन्डेसलिगाको रेकर्ड ४१ गोल गर्ने अविश्वसनीय अभियान पछि फिफा द बेस्ट अवार्ड कायम राखे।
पेरिस सेन्ट-जर्मेन फरवार्ड तथा २०१९ को विजेता लियोनल मेस्सीले भने आफ्नो २०२१ को बालोन डी’ओर अवार्ड पछि अर्को थप्न असफल हुँदा उनी दोस्रो स्थानमा चित्त बुझाए भने लिभरपुलका मोहम्मद सलाह तेस्रो स्थान हात पारे।
बार्सिलोनाकी मिडफिल्डर एलेक्सिया पुटेलासले महिला तर्फ उत्कृस्ट अवार्ड जितेकी छिन् ।
चेल्सीका प्रबन्धक थोमस टुचेलले इटालीका रोबर्टो म्यान्सिनी र म्यानचेस्टर सिटीका पेप गार्डिओलालाई हराएर २०२१ मा च्याम्पियन्स लिगमा सफलता हात पारेपछि वर्ष व्यवस्थापकको अवार्ड जितेका छन्।
पुरुष गोलरक्षक तर्फ चेल्सीका एडुआर्ड मेन्डीले इटालीका जियानलुइजी डोनारुम्मा र जर्मनीका म्यानुएल नोएरलै पछि पारे । त्यस्तै महिलातर्फ चिलीकी क्रिस्टियन एन्डलरले क्यानाडाकी स्टेफनी म्यारी लाबे र जर्मन एन क्याटरिन बर्गरलाई पछी पारिन् ।
अवार्ड विजेताहरु
दि बेस्ट फिफा पुरुष खेलाडी – रोबर्ट लेवान्डोस्की
दि बेस्ट फिफा महिला खेलाडी – एलेक्सा पुटेलास
फिफा फ्यान अवार्ड – डेनमार्क र फिनल्यान्डका समर्थक
दि बेस्ट फिफा पुरुष प्रशिक्षक – थोमस टुचेल
दि बेस्ट फिफा महिला प्रशिक्षक – इमा हाएस
फिफा फेयर प्ले अवार्ड – डेनमार्क राष्ट्रिय टोली र स्टाफ
फिफा दि बेस्ट पुरुष गोलरक्षक – इडुआर्ड मेन्डी
फिफा दि बेस्ट महिला गोलरक्षक – क्रिस्टिएन इन्डलेर
फिफा बेस्ट स्पेशल अवार्ड – क्रिस्टिन सिन्क्लेर
फिफा बेस्ट स्पेशल अवार्ड – क्रिस्टियानो रोनाल्डो
फिफा फिपप्रो पुरुष टोली – डोन्नररुम्मा, डियास, बोनुची, अलाबा, जर्गिन्हो, कान्टे, केभिन डि ब्रुएन, रोनाल्डो, हालान्ड, लेवान्डोस्की र मेस्सी
फिफा फिपप्रो महिला टोली – क्रिस्टिएन, लुसी, वेन्डी, मिले ब्राइट, माग्डालेना, इस्टाफानिया, कार्ली, बार्बरा, भिएिनी, मार्टा र एलेक्स मोर्गान
