हाम्रो नेपाल स्पोर्ट्स, काठमाडौं| सन् २०२२ मा अस्ट्रेलियामा आयोजना हुने टि-ट्वान्टी विश्वकप प्रतियोगितामा सहभागिता जनाउने १६ टोली मध्ये १२ टोलीको टुंगो लागेको छ।
आयोजक राष्ट्र अस्ट्रेलिया स्वतः छनौट भैसकेको छ भने बाँकी ११ टोलि मध्ये अस्ट्रेलिया संगै इंग्ल्यान्ड, भारत, पाकिस्तान, न्युजिल्यान्ड, दक्षिण अफ्रीका, अफगानिस्तान र बंगलादेश नोभेम्बर १५ को टि-२० बरियता र २०२१ को प्रदर्शन अनुसार सुपर १२ मा प्रवेश गरिसकेका छन्।
जारि विश्वकप संस्करणमा सुपर १२ मा तल्लो स्थान हासिल गरेका तथा वरियतामा आठौं भन्दा तल रहेका वेस्टइन्डिज, श्रीलंका, नामिबिया र स्कटल्याण्डले भने २०२२ विश्वकपमा समूह चरणबाट यात्रा सुरु गर्नेछन।
वरियतामा वेस्ट इण्डिज र श्रीलंका भन्दा माथि रहेका कारण बंगलादेशले आगामी विश्वकपमा समूह चरण नभई सोझै सुपर १२मा स्थान बनाएको हो।
ग्लोबल क्वालिफायरमा यसपटकको विश्वकपमा तल रहेका( पहिलो चरणबाटै बाहिरिएका) आयरल्याण्ड, नेदरल्याण्ड, ओमान र पपुवा न्यु गिनीले भने ग्लोबल छनोट प्रतियोगिता खेल्नुपर्नेछ।
टि-२० विश्वकप २०२२ मा छनोट हुने अन्य ४ टिमहरु आगामी वर्ष आयोजना हुने ग्लोबल छनोट प्रतियोगिताले निर्धारण गर्नेछ। नेपाल वरियताको आधारमा एसिया छनोट नखेली ग्लोबल छनोट पुगीसकेको छ। नेपाल लगायत जिम्बाब्वे, सिंगापुर र युएई वरियताको आधारमा स्वतः ग्लोबल छनोट प्रतियोगिता खेल्न छनोट भैसकेका छन।
ग्लोबल क्वालीफायरमा सहभागी १६ टिमहरुलाई दुईवटा समुहमा बिभिजन गरि छुट्टाछुट्टै ग्लोबल क्वालीफायर खेलाइनेछ जसबाट २/२ टिम विश्वकप खेल्न छानिनेछन्।
