हाम्रो नेपाल स्पोर्ट्स, काठमाडौं| कतार एयरवेज सहिद स्मारक ‘ए’ डिभिजन लिगको खेल तालिका सार्वजनिक भएको छ।
उद्घाटन खेलमा फ्रेन्ड्स क्लबले भरखर “बि” डिभिजनबाट बढुवा भएको सातदोबाटो युथ क्लबसँग खेल्नेछ।
उद्घाटन खेल साँझ ५ बजे दशरथ रंगशालामा हुनेछ । शुक्रबार सातदोबाटोस्थित एन्फा कम्प्लेक्समा एक कार्यक्रमका बीच दुई राउण्डको खेल सार्वजनिक गरिएको हो ।
खेलहरु दशरथ रंगशाला र एन्फा कम्प्लेक्स मैदानमा हुनेछन । फिक्स्चरको बाँकी राउन्डहरू चाँडै जारी गरिनेछ।
लिग अर्को वर्षको फेब्रुअरी २६ सम्म चल्नेछ ।
लिगको विजेताले नगद ७५ लाख र उपविजेताले ५० लाख नगद पुरस्कार प्राप्त गर्नेछन् । तेस्रो हुने टोलीले २५ लाख रुपैयाँ जित्नेछ ।
प्रतियोगिताको उत्कृष्ट खेलाडीलाई गोल्डेन बल र सर्वाधिक गोलकर्ताले गोल्डेन बुट पाउनेछन् । प्रतियोगिताको उत्कृष्ट गोलकिपरलाई गोल्डेन ग्लोभ्स प्रदान गरिनेछ।
पहिलो चरणका खेल :
कार्तिक २९ गते – फ्रेन्ड्स विरुद्ध सातदोबाटो – साँझ ५ बजे – दशरथ रंगशाला
कार्तिक ३० गते – हिमालयन शेर्पा विरुद्ध संकटा – दिउँसो १२ बजे – एन्फा कम्प्लेक्स
कार्तिक ३० गते – थ्री स्टार क्लब विरुद्ध च्यासल – दिउँसो ३ बजे – दशरथ रंगशालामा
मङ्सिर १ गते – जावलाखेल विरुद्ध मनाङ – दिउँसो १२ बजे – एन्फा
मङ्सिर १ गते – ब्रिगेड ब्वाइज क्लब र एपीएफ – दिउँसो ३ बजे दशरथ रंगशालामा
मङ्सिर २ गते – त्रिभुवन आर्मी क्लब विरुद्ध नेपाल पुलिस क्लब – दिउँसो १२ बजे – एन्फा
मङ्सिर २ गते – मच्छिन्द्र विरुद्ध न्यु रोड टिम (एनआरटी) -दिउँसो ३ बजे – दशरथ रंगशालामा
