हाम्रो नेपाल स्पोर्ट्स, काठमाडौं| पेरिस सेन्ट-जर्मेनका फरवार्ड लियोनेल मेस्सीले फुटबलमा आफ्नो लेजेण्डरी करियरमा धेरै अद्भुत रेकर्डहरू तोडेका छन्।
तर उनले हालै बनाएको एउटा कीर्तिमान भने खासै गौरव गर्ने भने छैन र त्यो हो २१ औं शताब्दीमा सबैभन्दा धेरै पेनाल्टी मिस गर्ने खेलाडी।
युरोपेली च्याम्पियन्स लिगको अन्तिम १६ को भिडन्तमा रियल म्याड्रिड विरुद्ध पेरिसको लागि ६२ औं मिनेटमा पेनाल्टी गुमाएपछि, मेस्सीले अहिले ३० पटक गोल गर्न असफल भएका छन्।
जुन आधुनिक युगमा कुनै पनि खेलाडीले गरेको सबैभन्दा धेरै हो।
मड्रिड विरुद्ध पेनाल्टी मिस लियो मेस्सीको च्याम्पियन्स लिगमा पाँचौ असफलता रहेको थियो।
उक्त असफलताले उनलाई सबैभन्दा धेरै मिस पेनाल्टीको लागि थियरी हेनरीको कीर्तिमानको बराबरीमा ल्याएको छ।
मेस्सीका प्रतिद्वन्द्वी क्रिस्टियानो रोनाल्डो २१ औं शताब्दीमा सबैभन्दा धेरै पेनाल्टी मिस गर्ने सूचीमा अर्को खेलाडी हुन्।
अन्तरास्ट्रिय पुरुष फुटबलमा सबैभन्दा बढी गोल गरेका रोनाल्डोले अहिले सम्म २९ पटक पेनाल्टीमा गोल गर्न गर्न असफल भएका छन्।
रोनाल्डोले हालैमा २०२१-२२ एफए कपमा म्यानचेस्टर युनाइटेडका लागि मिडल्सब्रो विरुद्ध पेनाल्टी मिस गरेका थिए।
आफ्नो चिरस्थायी प्रतिद्वन्द्वी लियो मेस्सीको तुलनामा, रोनाल्डोले पेनाल्टीबाट भने केही राम्रो प्रदर्शन गरेका छन्।
एएस रोमाका आइकन फ्रान्सेस्को टोटीले आफ्नो करियरमा १८ पेनाल्टी मिस गरेका थिए। उनि यो लिस्टमा चौथो स्थानमा
ज्लाटन इब्राहिमोभिच २१ औं शताब्दीमा १७ असफल स्पट किकसहित सर्वाधिक पेनाल्टी मिस गर्ने सूचीमा चौथो स्थानमा छन्।
४० वर्षीय स्विडेनी स्ट्राइकर आफ्नो पुस्ताको सबैभन्दा प्रख्यात आक्रमणकर्ताको रूपमा परिचित छन्।
वर्तमान टोलि एसी मिलान सहित आँफुले खेलेका लगभग सबै टोलीहरूका लागि पेनाल्टी लिने प्रमुख खेलाडीका रुपमा उनिनै रहेका छन्।
इब्राहिमोभिचको अन्तिम पेनाल्टी मिस सन् २०२२ को जनवरीमा एएस रोमा विरुद्ध ३-१ ले विजयी भएको खेलमा थियो।
उडिनेजका लिजेन्ड एन्टोनियो डि नाताले सबैभन्दा धेरै पेनाल्टी मिस गर्ने शीर्ष पाँचको सूचीमा परेका छन्।
सन् २०१६ मा फुटबलबाट सन्यास लिएका इटालियन फरवार्डले ४१ स्पट किकलाई सफलतापूर्वक परिणत गरे र १४ पटक मिस गरेका छन्।
