जाभी भन्छन: “सिजनको पहिलो खेलमा फुटबलकै बेइज्जत भयो”

हाम्रो नेपाल स्पोर्ट्स, काठमाडौं| सिजनको पहिलो खेलमा अङ्क बाँडेका बार्सिलोनाका प्रशिक्षक जाभी, अझैपनि टोलीको प्रदर्शनलाई लिएर खुसी छैनन्। 

जाभी हर्नान्डेजले रायो भालेकानो विरुद्धको पहिलो दिनको खेलमा बार्साले ३ अंक बटुल्नु पर्ने कुरामा अडिग छन्।

घरेलु मैदानमा आफ्नो नयाँ सिजनको ला लिगा ओपनरमा बार्सिलोना रायोसँग गोल रहित बराबरीमा रोकिएको थियो।

प्रेस सम्मेलनमा बोल्दै जाभीले बिपक्षीको फाइनल थर्ड अगाडि आफ्ना खेलाडीहरूको क्लिनिकल टचको कमीलाई विशेष औल्याए।

“यो सजिलो छैन,” जाभीले रियल सोसिडाडमा अघिको पत्रकार सम्मेलनमा भने ।

“हामीमा नम्रता हुनुपर्छ। रायो विरुद्धको खेल फुटबलको बेइज्जत थियो।” 

“हामी जित्न योग्य थियौं र हामीमा प्रभावकारिताको कमी थियो। हामीले राम्रो खेल खेल्यौं। म हार भन्दा उत्साहलाई प्राथमिकता दिन्छु।”

बार्सिलोनाले जुलेस काउन्डेलाई अनुबन्ध गरेपनि अझै पनि सेन्टर-ब्याकलाई दर्ता गर्न सकेको छैन।

बार्सिलोनाले खेलाडी दर्ता गर्नका लागि क्यापमा ठाउँ बनाउन र ला लिगाको वित्तीय नियमहरूको पालना गर्न आवश्यक छ।

जसअनुसार नयाँ ठाउँ बनाउन बार्सिलोनाले मेम्फिस डीपाए संगको सम्झौतालाई रद्द गर्ने तयारी गरिसकेको छ। 

“हामी अझै पर्खिरहेका छौं,” जाभीले थपे।

“उनी हाम्रो प्राथमिकता हुन र हामी उसलाई दर्ता गर्न सकिन्छ कि भनेर हेर्नेछौं। उनि २३ बर्षका सेन्टर ब्याक भए पनि धेरै दक्षता र अनुभव रहेको छ।”

” बार्सिलोनामा यदि उसले खेल्न चाहन्छ भने हरेक खेलमा आँफुलाई प्रमाणित गर्नुपर्नेछ।”

म कुन्डेलाई सेन्टर ब्याकको रूपमा बढी देख्छु, तर आपतकालीन [परिस्थिति]मा उसले फुल ब्याकको रूपमा खेल्न सक्छ।”

प्रिमियर लिग क्लब म्यानचेस्टर युनाइटेडले, रियल म्याड्रिडका खेलाडी क्यासेमिरो अनुबन्धन गरेको बारेमा पनि उनले टिप्पणी गरे।

“उनी फुटबल र रियल म्याड्रिडमा एक युग परिभाषित गर्ने खेलाडी हुन् ,” 

“उनीहरूले उनको स्थानमा खेलाडीहरू अनुबन्ध गरेका छन्, तर म यसबारे धेरै कुरा गर्न चाहन्न। तिनीहरू विपक्षीहरूले गरेका निर्णय हुन् र म यसमा संलग्न छैन।” उनले थपे

-एजेन्सी

 

Leave a Reply

Next Post

अग्वेरोलाई पछि पार्दै केनको नयाँ किर्तिमान

Sat Aug 20 , 2022
हाम्रो नेपाल स्पोर्ट्स, काठमाडौं| ह्यारी केनले वोल्भरह्याम्प्टन माथि विजयी गोल गरेपछि प्रिमियर लिगमा एउटै टोलीका लागि सबैभन्दा बढी गोल गर्ने खेलाडी बनेका छन्। आफ्नो लिग डेब्यु गरेको १० वर्ष र दुई दिनपछि इंग्ल्याण्डका कप्तानले ६४ औं मिनेटमा गोल गर्दै टोलीलाई अग्रता दिलाएका थिए। केनले म्यानचेस्टर सिटीका लागि १० सिजन बिताएका […]
%d bloggers like this: