हाम्रो नेपाल स्पोर्ट्स, काठमाडौं| अष्ट्रेलिया भ्रमणमा रहेको इंग्लिस टोलि म्यानचेष्टर युनाईटेडले भ्रमण अन्तर्गतको तेस्रो जित हात पारेको छ।
प्रि सिजन टुरको तेस्रो खेलमा युनाईटेडले अर्को इंग्लिस टोलि क्रिष्टल प्यालेस विरुद्ध ३-१ को विजय प्राप्त गरेको हो।
यसअघि रेड डेविल्सले लिभरपुल र अस्ट्रेलियन टोलि मेलबर्न विरुद्ध जित हात पारेको थियो। भ्रमणमा टोलीले लगातार तेस्रो पटक खेलमा ३ गोल गर्न सफल भएको छ।
युनाइटेडलाई जित दिलाउने क्रममा उसको अग्रपंक्तिका तिनै स्ट्राइकरले गोल गर्न सफल भएका थिए।
जेडन सान्चो, मार्कस रासफोर्ड र एन्थोनी मार्सियलले गोल गर्दै युनाईटेडलाई सहज जित दिलाए। खेलको अन्तिम समयमा युनाईटेड १० खेलाडीमा सीमित हुन पुगेको थियो।
युनाईटेडका सेन्टर ब्याक विल फिस खेलको ८४औँ मिनेटमा रातो कार्ड खादै बाहिरिएका थिए।
प्यालेसका लागि सान्त्वना गोल जोल वार्डले फर्काए। प्रि सिजन अन्तर्गतकै अर्को खेलमा युनाईटेडले आउँदो शनिबार एस्टन भिल्ला विरुद्ध खेल्नेछ।
