हाम्रो नेपाल स्पोर्ट्स, काठमाडौं| फ्रान्सेली महारथी पेरिस सेन्ट जर्मनले क्रिस्टियानो रोनाल्डोको प्रस्तावलाई अस्वीकार गरेको रिपोर्टहरु सार्वजनिक भएका छन्।
स्पेनिस तथा अंग्रेजी पत्रिकाहरुले उनका एजेन्ट मेन्डिसले उनको प्रस्ताव लिएर पेरिस समक्ष पुगेको जनाएका छन्।
रोनाल्डोको म्यानचेस्टर युनाइटेड छाड्ने इच्छालाई दिमागमा राखेर केही दिन अघि पीएसजीलाई प्रस्ताव पठाएको बताईएको छ।
मेन्डेसको नासेर अल खेलैफी र क्लबका नयाँ खेल सल्लाहकार लुइस क्याम्पोस दुवै विचको सम्बन्ध राम्रो रहेको छ।
पोर्टोबाट मिडफिल्डर भिटिन्हाको आगमन र रेनाटो सान्चेस पेरिसमा आउने सम्बन्धमा मेन्डेस संलग्न रहेका छन् र वार्ताहरू अर्को चरणमा रहेका छन्।
तर वर्तमान अवस्थामा पेरिसमा रोनाल्डोका लागि कुनैपनि ठाउँ नभएको भन्दै पेरिसले उक्त प्रस्ताव अस्वीकार गरेको बताइएको छ।
मेस्सी, नेमार, एम्बाप्पे, इकार्डी जस्ता फरवार्ड भइसकेको पेरिसमा, रोनाल्डोको आगमन त्यसैपनि निकै संकुचित देखिन्छ।
रोनाल्डो पेरिस पुगेको खण्डमा क्लबले उनकै वरिपरी रहेर अर्को नयाँ टोलि निर्माण गर्नुपर्दछ। तर अवस्था विपरीत छ।
क्लबले भर्खरै नवीकरण गरिएको २३ वर्षीय केलियन एमबाप्पेको वरिपरी रहेर टोलि निर्माण गर्ने भैसकेको छ।
यसतो अवस्थामा उनको आगमनले टोलीमा थप असन्तुलन बढाउने पेरिसको ठम्याई रहेको छ।
अर्को कुरा भनेको पेरिसको आर्थिक मुद्दा पनि रहेको छ, किनकि स्ट्राइकरको शुल्क र पारिश्रमिकले गर्दा अर्को आर्थिक बाधा हुनेछ।
पेरिसले पहिले नै युरोपेली फुटबलको वित्तीय फेयर प्लेको नियमहरू तोडेको धेरै आरोपहरू लाग्दै आएको छ।
भर्खरै पनि फ्रान्सेली खेलाडीले नेपालीको सम्झौता नविकरण गरेपछि लालिगाले पेरिस विरुद्ध मुद्दा हालेको छ।
क्लबले एमबाप्पेको महँगो नवीकरण, लियोनल मेस्सी र नेयमार जस्ता अन्य स्टारहरूको उच्च पारिश्रमिकको अतिरिक्त , तर टोलीका अन्य खेलाडीहरूको ठूलो पारिश्रमिकको साथ सामना गर्नुपर्नेछ।
अल खेलिफीले नयाँ प्रशिक्षक क्रिस्टोफर गाल्टियरको प्रस्तुतिको क्रममा प्रेसलाई क्लबले खेलकुदमा धेरै प्रतिबद्धता र कम फ्ल्यास खोजिरहेको बताएका थिए।
