हाम्रो नेपाल स्पोर्ट्स, काठमाडौं| सेनेगल तथा लिभरपुलका स्टार फरवार्ड साडियो मानेले लिभरपुल छाड्ने भएका छन्।
च्याम्पियन्स लिगमा पराजय बेहोरे सँगै साडियो मानेले पनि आफ्नो भविष्य अन्तै विचार गर्ने निर्णय गरेका हुन।
फाइनल अघि आफ्नो भविष्यको पूर्ण जानकारी खेल पश्चात मात्र दिने बताएका मानेले, लिभरपुलमा आफ्नो ६ वर्षे करियरको अन्त्य गर्ने पक्का भएको छ।
सन् २०१६ मा इंग्लिस टोली साउथह्याम्पटनबाट ३६ मिलियनमा लिभरपुलमा आबद्ध भएका मानेले घरेलु तथा युरोपियन गरेर सबैखाले शिर्ष प्रतियोगिता जितिसकेका छन्।
सन् २०१६ यता लिभरपुलको प्रमुख खेलाडीका रूपमा उदाएका मानेले रेड्सका लागि २६९ खेलमा १२० गोल र ४९ एस्सिस्ट प्रदान गरेका छन्।
लिभरपुलले झन्डै तीन दशकको पश्चात शीर्ष डिभिजनको उपाधि हात पार्दा उनी सँगै सालाह र फर्मिनोको जोडीले ख्याती कमाएको थियो।
यससँगै तिनै खेलाडीको बलियो उपस्थितिमा लिभरपुलले छैटौं पटक युरोपेली च्याम्पियन्स लिग प्रतियोगिताको उपाधि समेत जित्न सफल भयो।
यसै सिजन घरेलु प्रतियोगितामा शीर्ष दुई उपाधि एफए कप र लिग कप उठाउँदै साडीओ मानेले इङ्लिस फुटबलमा आफ्नो ट्रफी क्याबिनेट पूर्ण गरेका छन्।
लिभरपुल छाड्ने निर्णय गरेसँगै बायर्न म्युनिख संगै अन्य शिर्ष क्लबहरुले आगामी दिनहरुमा उनको स्थिति मध्यनजर गर्ने इंग्लिस रिपोर्ट हरुले बताएका छन्।
